李門這一家

由布院－熊本

第五日嘅行程。噚晩喺月燈庵食完餐懷石料理，老實講，好唔好食就見仁見智，我就一般，可能自已喜歡大魚大肉，所以成個餐都係得幾味比較啱胃口。正因為咁，對佢嘅早餐無太大期望。

早餐就係咁樣

食完就向熊本出發。從由布院去熊本要揸兩個幾鐘頭車。山長水遠，到達目的地時又係食晏嘅時間。

喺啲商店街誤打誤撞，撞咗入去，又唔錯噃。

食完仲行吓條商店街，都幾多嘢睇，包括呢的節日擺設。就去熊本城。喺去熊本城前，都係先去酒店放低行李先，放完先再去玩。

正如之前講過，日本嘅乜城物城，去一個兩個就夠。

熊本城內部份展覽位置。

望吓部埃瘋，差唔多夠鐘 check in，熊本住熊本市中央区紺屋今町嘅三井花園酒店。

呢間酒店離熊本城好近，行路都係大概十分鐘左右，仲可以泊架低車喺酒店先去玩，輕輕鬆鬆，夜晚食飯飲咩酒都可以盡情，唔怕醉駕。

當一切安頓好哂，又係時候食好嘢。今餐食馬櫻－馬肉料理。

馬肉刺身

馬肉火鍋

其實晚餐原先係去食菅乃屋 (都係馬肉料理)，不過因為客滿，所以選擇次選－馬櫻。都唔錯。

今日嘅行程無乜景點，原因好簡單，因為啲時間用哂喺車程上，由布院去熊本要兩個幾鐘，中間原先計劃有其他地方想，但驚太趕而取消，始終太貪心；變咗玩得少咗，下次要好好規劃。