李門這一家

指宿－長崎豪斯登堡

一貫慣例，一切由早餐開始。

自助式早餐，酒店標準供應。

食完就向位於長崎縣豪斯登堡遠征。不過，喺去豪斯登堡前，李門這一家做咗件頗為任性嘅事。就係揸五個幾鐘頭車去食吉宗茶碗蒸，然後再用個幾鐘車程去豪斯登堡。

講番吉宗，地址係長崎県長崎市浜町８－９。

雖然要等位，但係食完碗蒸蛋後，真係覺值得。

佢啲蒸蛋真係滑到無人有，真係好回味。

但係有樣嘢要記住，幫襯佢係要除鞋，所以千萬唔好着穿窿襪去。

由指宿直接去豪斯登堡，約五個幾鐘，而去吉宗又係咁上下，但由吉宗去豪斯登堡又大概個幾鐘車（呢堆時間係由 google 地圖提供），無形中食呢碗蒸蛋就用多一個鐘，但係自駕遊嘅真締都莫過於此。

去到豪斯登堡泊好架車，就將啲行李喼交去服務檯；順使 Check in，人就坐接駁巴士入園。

豪斯登堡我地選擇住森林別墅 (Forest Villa)，叫做係位處河邊嘅獨立屋 (當然係人工造成)，但係環境真係唔錯。

唔止環境好，我地一家三口佢都俾一間獨立屋我地，分上下兩層，計面積比任何酒店房間還要大。

一入門囗就係客廳

跟住上呢條樓梯

有兩間咁上下樣嘅房

地下客廳旁有個小型㕑房

還有湖邊露臺

獨立屋嘅正門，一個門口一個單位。成間屋好有德州電鋸殺人狂嘅感覺。安頓好行李之後就出去玩，本來去豪斯登堡其中一個目標係坐佢嘅烈陽號出海，但係可惜錯過航班，只可以喺摩天輪度遠觀。

係咪睇唔真呢，難怪；遠成咁。

咁樣應該認到個船頭

摩天輪望落嚟嘅景

喺廣場度種咗好多鬱金香，可能想做個花海。行吓行吓又到晚餐時間。晩餐喺樂園裏面間 Puccini 意大利餐廳度食。味道仲比想像中好，直頭係有水準，香港嘅樂園無得揮。

而家睇啲嘢食好似好的式同矜貴，但係當時真係食到飽哂 (當然，有可能有啲食物無影到)。食完晚餐後個天已經黑哂，而豪斯登堡入黑後就有另一番景像。

由無數五光十色嘅燈膽砌出美麗來

仲有花車巡遊

巨鯨無比敵

睇完花車巡遊就㺫城堡 3D 投射 show，不過未夠鐘，於是乎入城堡入面睇玻璃。

天花裝飾

加上投射燈光，上演一場精彩絕倫 3D show。

帶住興奮心情返房休息，玩多兩日就要返香港。