李門這一家

香港－札幌

坐 9：15 機，於日本時間 15：50 到達新千歲機場。

到達機場時，碰巧正有個初音未來的扭蛋玩具展。

先來個小小熱身，扭番幾隻先。

可惜扭唔到初音

無啦啦洗咗幾百円，係時候搭 JR 去酒店。因為到新千歲機場都已經三點幾，預計過哂關入埋境分分鐘五點，租咗架車都無咩用，而且頭兩日景點可以搭車去，所以選擇第三日先開始租車，亦都係等自己有時間睇吓路面情況，話哂第一次喺外國路面同雪地揸車，穩陣啲適應吓先好。

酒店位於札幌市中央區北2条西2丁目23番地的Cross Hotel

一出 JR 站直行幾分鐘就到。

酒店門外唔止有冰雕，仲有由冰雕成嘅酒吧。

喺食晚餐前，先去行吓Esta－中央區北5条西2丁目 (JR 札幌站上蓋)。唔記得喺邊度，俾個女發現寵物小精靈中心。即時咸魚翻生，充滿活力地清洗佢嘅日圓。

姿姿整整，夠鐘食我地喺札幌第一頓晩餐－蟹本家。

札幌市中央區北3条西2丁日1-18，又係喺酒店附近，仲好似係酒店同 JR 站之間。呢度好多人，等咗接近一個鐘。

入到去見到佢，背後係個蟹池。

終於到我地，俾咗個廂房我地，自成一角，正。喺房入面，點樣炒蝦拆蟹都係我地這一家嘅事啦，唔怕俾人睇到個食相。

唔好見嗰 "辟" 泥綠色嘅嘢咁唔飬眼，呢 "辟"蟹膏真係鮮度無得頂。

剌身

炸蟹蓋

最後食埋呢兜疑似乳酪嘅物體，好味到呢，唔識形容。

呢枝係另外 order 嘅清酒，未成年嘅飲果汁。    

飲飽食醉，呢餐全蟹宴，真係好滿足，承惠25830円，強力推介。

食完返酒店，條路超級跣。